How Freud and Jung viewed Unconscious Mind

Freud’s viewpoint:

Freud ke according, unconscious ka main content sexual urges hain. Unhone maana ki saari hidden energies ka base sexual desires par tikka hua hai.

Jung’s viewpoint:

Jung ne is baat ko fundamentally challenge kiya. Unhone kaha ki unconscious sirf sexual desires ka collection nahi hai, balki wo ek Life Energy ka reservoir hai.

• Isse woh Psychic Energy ya Vital Energy kehte hain.
• Jung ne kaha ki unconscious irrational hai — isme logic aur reason lagana bekaar hai.

Example se samajhte hain:

Freud kehte the ki hamare mann ke andar chhupi sabhi cheezein — jaise sapne, chintaayein, ajeeb soch — asal mein dabaye gaye sexual desires ka collection hain. Jaise ek almari jisme bas ek hi type ki cheezein bhari ho: sirf kapde, sirf ek hi rang ke.

Lekin Jung ne kaha, “Nahi!”

Unconscious ek almari nahi hai —

Wo to ek jeeta-jaagta reservoir hai.

Ek aisi talaash ka samundar, jisme sirf ek rang nahi, balki saare rangon ke jazbaat, sapne, emotions, yaadein, dar, umeedein — sab kuch milega.

Jaise ek nadi, jo har taraf se alag-alag jharno (waterfall) ka paani lekar banti hai — waise hi hamara unconscious bhi jeene ki iccha, dosti, pyaar, gussa, umeed, ya kabhi kabhi adhoore sapno se milke banta hai.

Matlab — hamara unconscious sirf ek “sexual energy” ka godown nahi hai;

Ye ek Life Energy ka bhandaar hai, jisme har emotion, har kahaani, har dream apni jagah bana ke baitha hai.

---

2. Difference between Freud and Jung’s Analysis

Freud’s Method:

Freud ek scientist the. Unka tareeka tha:

• Symptoms ko observe karo.
• Reason aur logic ke through diagnosis karo.
  
  Yaani, pehle unconscious cheezon ko conscious banate, fir reason se samjhate.

Problem kya hui?

Jung ne point out kiya ki jab hum kisi cheez ko conscious mein laayein, to hum apne logic ka use karte hain — aur logic irrational unconscious ko samajhne mein fail ho jata hai.

Jung ka Method:

• Jung ne kaha: Feelings aur emotions ko sirf observe karke nahi samjha ja sakta.
• Usne suggest kiya ki hume naye methods develop karne honge — jo feelings aur emotions ki depth ko touch kar sakein.

Simple shabdon mein:

Freud: Observe kar ke reason lagao

Jung: Feelings ko feel karo, reasons zabardasti mat thopo

---

3. Importance of Emotions from Freud and Jung’s Viewpoint:

Freud’s View:

• Sab kuch sex, i.e, creation ke aas paas ghoomta hai.
  
  Example:

Ek ladki thi, jo bachpan mein apne parents se pyaar aur attention nahi paayi.

Bade hone par wo ek artist bani — paintings banati thi jismein aksar akelaapan, longing aur intense emotions dikhte the.

Freud ke nazariye se:

Uski creativity or sex (creation) sirf art ka shauk nahi thi —

andar chhupi hui emotional aur sexual needs ka ek subconscious expression tha.

Uske brush strokes mein wo saari feelings thi jo wo shabdon mein nahi keh paayi thi.

Jung ka View:

• Jung ne bataya ki asli driver Emotions hain.
• Jab insaan emotional hota hai, to reason fail ho jata hai.

Ek Simple Example:

Socho ek maa ka beta duniya chhod kar chala jaata hai.

Jab log usse tasalli dene aate hain, to maa rote hue kehti hai,

“Maine uske liye naye jhoote kharide the… uski shaadi ke liye kapde tayaar kiye the…”

Logical socho, to jhoote ya kapde ka ab koi matlab nahi bacha.

Beta chala gaya, to in saari cheezon ka bhi arth khatam ho gaya.

Par jab dil toot jaata hai, tab emotions apni duniya mein jeete hain — jahan reason ka koi matlab nahi hota.

Us maa ke liye wo kapde, wo jhoote, sapne the — apne bachhe ke saath jeene ke sapne.

Aur jab sapna tootta hai, to insaan sirf khwabon ke tukdon ko pakad kar rota hai, chahe wo kapde ho, jhoote ho, ya koi aur chhoti si cheez.

---

4. Time ka Feel aur Time ka Measure

Freud ka Time View:

• Time ko measure karo (jaise ghadi se) — science ke hisaab se.

Jung ka Unique View:

• Life Energy ke hisaab se time ka feel alag hota hai.
• Ek hi waqt par:
  • Jo faasi (execution by hanging) ke liye jaa raha hai, usko lagta hai time tez bhaag raha hai.
  • Jo agle din apni girlfriend se milne jaa raha hai, usko lagta hai time bohot dheere dheere chal raha hai.

---

5. Symbols aur Dreams ka Interpretation

Freud ka Approach:

• Dreams ko mostly Greek mythology ke symbols se explain karte the.
• Example: Snake = Sex organ ka symbol.
  
  Thoda detailed example se samajhte hain: 
  
  Man lo ek aadmi ka sapna hai:

“Main ek bade se jungle mein hoon. Achanak ek bada snake mere raste mein aa jaata hai. Main use dekhkar hil jaata hoon, darr bhi lagta hai aur kuch ajeeb sa excitement bhi feel hota hai.”

Freud is sapne ko kaise samjhaate?

• Jungle = subconscious mind (hamari chhupi feelings aur desires ka symbol)
• Snake = sex organ aur sexual energy ka symbol
• Snake ka raste mein aana = us aadmi ke andar chhupi hui sexual feelings jo ab surface pe aa rahi hain.
• Fear + excitement ka milna = sexual emotions ke natural conflicts — ek taraf desire, ek taraf guilt ya fear.

Jung ka Viewpoint:

• Jung ne maana ki har culture ke apne symbols hote hain.
• Indian, Chinese, African cultures ke symbols alag hain.
• Dreams universal nahi hote — culture specific hote hain.
  
  Jung ne kaha ki sapne sirf personal nahi hote, balki cultural hote hain.
  
  Har culture ki apni language of symbols hoti hai.

Jaise:

• Ek Indian ke sapne mein Nadi (River) dikhe to wo life aur spirituality ka symbol ho sakta hai.
• Ek Chinese aadmi ke sapne mein Dragon aaye to wo power aur good luck ka symbol hoga.
• Ek African ke sapne mein Lion aaye to wo strength aur leadership ka sanket de sakta hai.

Matlab:

Dreams ko samajhne ke liye hume yeh dekhna padta hai ki wo sapne kis culture mein rehne wale aadmi ko aa rahe hain.

Ek hi symbol — jaise “snake” — ek jagah sex ka symbol ho sakta hai, aur kahin aur wisdom ya healing ka.

Isiliye Jung kehte the:

“Dreams are not universal. They are rooted in the soil of the dreamer’s culture.”

---

Conclusion:

Jung ne Freud ke sexual theory ko broader life energy aur emotions tak expand kiya.

• Jung ne unconscious, method aur dreams ke interpretation mein naye ideas laaye.
• Unhone feel karne wali life energy ko samajhne par focus kiya, sirf observe karne par nahi.