Gold ₹93,000 Cross! Recession Aane Wala Hai Kya?

Namaste Doston!

Aaj market ne kya kiya? 

Bhai sahab, pichhle 5 din mein market ne kamaal kar diya hai – 5.88% ka bounce! Chahe BSE ho ya Nifty 50, dono ne achha- khaasa recover kiya hai.

Ab aisa kya hua ki market upar jaa raha hai aur sath hi sath gold ke price bhi badh rahe hain?

Dekha gaya hai ki jab market upar jaata hai, toh gold thoda stable rehta hai ya neeche aata hai. 

Kyun? 

Kyunki log samajhte hain ki quick paisa market mein hai, toh investment gold se hata ke stocks mein daal dete hain.

Lekin iss baar scene alag hai… Market bhi uppar jaa raha hai aur gold bhi rocket bana hua hai. 

Ab isme darr bhi hai aur opportunity bhi.

Zara sochiye, agar aapne index fund mein paisa lagaya hota toh 5 din mein 5.5% ka return mil gaya hota. 

Bura nahi hai, right?

Ab baat karte hain gold ki. Log gold mein bhi paisa daal rahe hain. Kyun?

Kuch experts bol rahe hain ki aane wale time mein recession ka risk hai – aur jab market uncertain hota hai, toh log gold ko safe asset samajh ke uspe bet lagate hain.

Ab baat aati hai global scene ki.

9 April ko US ne China pe 125% ka tariff thok diya, lekin India jaise doston ko thoda pyaar diya – sirf 10% tariff aur 90 din ki chhutti, yaani koi increase nahin hoga 10% tariff se, 90 days tak.

India khush, market khush, aur investor toh aur bhi khush!

10 April ko Mahavir Jayanti ki chhutti thi, is wajah se stock market band the aur jaise hi 11 April ko market khula – BOOM!

Phir weekend, phir 14 ko Ambedkar Jayanti – phir chhutti.

Aur aaj yaani 15 April, 2025 – market ne fir se dhamaka kiya!

Toh asal mein sirf 2 din trading hua, lekin sentiment pichhle 5 din se ban raha tha – isliye lag raha hai ki market ne zabardast rally di hai.

Sectors ki baat karein toh IndusInd Bank, Tata Motors, Finance aur Realty sector ne solid performance diya.
Auto bhi uth gaya, kyunki Trump ne 3 mahine ke liye extra tariff nahi lagaya – toh companies boli, chalo abhi gaadiyaan bech lo!

Ab ek aur badi baat – GOLD KA PRICE!

Bhai, gold ne toh apne career ka all-time high maar diya hai – $3245 per ounce. Samajh rahe ho?

Simple shabdon mein bolu toh: ₹9,559.71 per gram

January mein gold tha $2623 per ounce, matlab ₹7,724.45 per gram. 

Ab hai $3245 – matlab 600 dollar ka jump in 3.5 months!

Yeh koi choti baat nahi hai – 20% se zyada ka gain hai sirf gold mein.

Aajkal ke market ko dekh kar lagta hai, duniya full global ho chuki hai. Jo decision America mein ho raha hai, uska asar yahan India ke stock market tak aa raha hai. 

Pehle toh lagta tha ki apne desh ke economic policies hi matter karti hain, but ab geopolitics hi asli game-changer hai.

Jaise hi America ne 90 din ke liye tariff relief diya, market ne turant positive react kiya. 

Phir news aayi ki India aur America ek mutual trade deal ki taraf badh rahe hain — toh aur boost mil gaya market ko. 

Ab baat karte hain ek aur parallel scene jo chal raha hai — GOLD KA GAME.

Jab sab kuch uncertain ho, tab log us cheez mein invest karte hain jo safe hoti hai — aur Gold usi category mein aata hai. 

Ab sawaal uthta hai — log stock market chhod kar gold mein kyun bhaag rahe hain?

Bohot Simple Hai: 

Market mein uncertainty zyada hai. China-America ke beech trade war chal raha hai, aur aage 90 din baad fir se tariffs wapas aa sakte hain. 

Jab market down hota hai ya fear zyada hota hai, toh log safe assets mein invest karte hain — jaise gold, cash ya sovereign bonds.

Gold ka price aage aur badh sakta hai — Goldman Sachs ka prediction hai ki 2025 ke end tak gold ₹1.5 lakh per 10 grams tak jaa sakta hai. Matlab dollar mein dekhein toh $4500 per ounce.

Par ruko… iska matlab ye nahi ki turant gold khareed lo aur malamaal ho jao. Investment decisions emotions se nahi, logic se hote hain.

Robert Kiyosaki (Rich Dad Poor Dad wale) ka bhi kehna hai ki ab sirf 3 hi achhe investment options hain — Gold, Silver aur Bitcoin. 

Kyunki unka maanna hai ki recession aa raha hai, aur jab market crash karega, toh ye teen safe assets logon ko bachayenge.

Par yahaan ek twist bhi hai — Robert Kiyosaki, Trump ke close ally hain, aur unka kaafi zyada inclination Bitcoin ki taraf hai. Toh unka viewpoint thoda biased bhi ho sakta hai.

Toh ab sawaal ye uthta hai — agar aapko gold mein invest karna hai, toh kaise karein?

Simple — 3 safe tareeke:

1. Digital Gold – PhonePe, Paytm, etc. par milta hai. Easily buy-sell kar sakte ho.
2. Gold ETFs – Stock market ke through gold mein invest karne ka option. Safe aur liquid.
3. Sovereign Gold Bonds (SGBs) – RBI ke through issue hote hain, extra interest bhi milta hai.

Kya karna hai? Kya nahi? Ye aapki financial goals aur risk appetite pe depend karta hai. Agar aapko safety chahiye, toh thoda gold portfolio mein rakhna banta hai. 

Par sirf news dekh ke jump mat karo. 

Plan banao. Logic se chalo. Aur sabse zaroori: Bohot Simple Socho.

Aur ha, hamare Baics of Stock market and Mutual Funds ke course ko zarur check out karein, neeche playlist ka link pin kr diya hai. Sab kuch bohot simple tareeke samjhaya hai wahan, mera promise hai, inn dono course ko poora karne ke baad, aap poora game samajh jaoge stock market and mutual fund ka.