Editorial & Corrections policy
Last updated: 21 November 2026
Hamari tagline hai “Pehle samjho, phir maano.” Ye niyam hum khud par lagaate hain.
1. Source
- Har tathya (fact), number, quote ya result ke saath source hota hai — kitaab, original document, sarkari site, research paper ya brand ka official page.
- Ads ke results (sales, views, awards) sirf tab likhte hain jab kisi source mein likhe hon. Andaaza ho to “andaaza” likhte hain.
- Panchang ke rules ke saath granth ka naam aur reference diya jaata hai, aur method page par hamari calculation ki seema likhi hai.
2. “Hamari Soch” label
Jahan baat hamari apni raay, vyakhya (interpretation) ya salah hai, wahan “Hamari Soch” label lagta hai — taaki tathya aur raay mix na hon.
3. AI ka use
Research, draft ya tool banane mein AI ki madad lete hain. Jo publish hota hai, wo source se check hota hai. Jahan AI se banaya hua hissa ho (jaise image), wahan saaf batate hain.
4. Galti (corrections)
- Galti dikhe to BOHOTSIMPLEHAI@gmail.com par subject “Correction:” aur page ka link bhejein.
- Chhoti galti (spelling) chupchaap theek hoti hai. Tathya ki galti theek karne par post ke neeche “Sudhaar (date): kya badla” likha jaata hai.
- Bada update hone par post par “Updated: date” dikhta hai.
5. Purana content
Purane posts (2022–2025) hamare naye niyamon par dobara jaanche ja rahe hain. Jo hamare niyamon par khare nahi utre, unhe hata diya gaya hai (archive), delete nahi. Jo bache hain, unhe dheere-dheere source aur labels ke saath update karenge.
6. Paisa aur rishte
Abhi koi sponsored post nahi hai. Kabhi hua to upar saaf “Sponsored” likha hoga. Brands ke ads ka postmortem brand ki permission ya paise se nahi hota.
Baaki niyam: Privacy · Terms of Use · Disclaimer · Cookie note · Editorial & Corrections · Copyright & Credit

